Comments on: My views on citizen journalism, TV Patrol, Imbestigador

By: Practical

Practical — Sun, 06 Dec 2009 10:59:28 +0000

Salamat sa inyong pong reply. Ngayon ay nabalitaan naming nagpasweldo na pala sila na para sa buwan ng Sept at Oct. Ang mga nakatanggap lang ay ang mga empleyadong nagresign. Sinubukan ko pong kausapin ang presidente namin ngunit wala siyang reply. Ngayon nababagabag kami na pati ang aming 13th month pay ay di maibigay. Magpapasko pa naman. Bawat sangguni po ba sa DOLE ay katumbas ay reklamo? Pwede po bang humingi muna ng legal advice at huwag muna banggitin ang kompanya? Sagot: Sa aking limitadong kaalaman sa batas, bahagi ng privileged communication ang usapang nagaganap sa pagitan ng abogado at kliyente niya. Ibig sabihin, ang anumang sabihin mo sa abogado ay hindi maaaring gamitin laban sa iyo. Pero kung nais mong maniguro, baka nga mainam na hindi mo muna banggitin ang kompanyang pinagtatrabahuan mo. Sa kontekstong ito, subukin mong makipag-ugnayan din sa isang labor federation, hindi lang sa DOLE.

By: Ricelpalm

Ricelpalm — Thu, 26 Nov 2009 13:46:38 +0000

Gusto ko po sanang isangguni ang problema namin saming previous company sa ortigas. Maliit lang ang aming kompanya at maximum of 50 agents na po ang kasya dito. Noong nakaraang taon ay tama naman ang pinapasweldo nila sa amin na tuwing 1-15 cut off, sa 25th namin makukuha. Ngunit nagsimula noong May 2009, nadelay na ang sahod namin. Ang payslip namin ay exact date po ang nakalagay pero delay naman ibinibigay sa amin. Ang rason ng kompanya ay delay magpasahod ang aming client. Ngayon namang November ay wala daw production. Hulugan na halos kami binabayaran sa serbisyo naming buo. Ngayong November ay wala pa kaming sinasahod ng 1/4 salary namin ng Sept at buong Oct 2009. Ang dahilan ng aming Presidente ay mahina ang production ng mga tao kaya ang binabayad ng kliyente ay sapat lang sa pambayad ng renta sa Bldg pati kuryente at DSL.Hindi kami binabayaran per production, unless trainee at baguhan pa lang. Kapag naprobi na ay doon fixed na ang sweldo. Ngayon katext ko ang aming Presidente at sana daw ay magtulungan kami. Ininform din niya ako na wala siyang maibibigay na sweldo sa December at 13th mo pay namin dahil wala nang pumasok ng Nov dahil halos lahat nagresign. Nagresign dahil wala nang mga perang pamasahe. Nangako naman siyang babayarang kami ng paunti unti kapag kumita na raw ang bagong account sa bagong kliyente nila dahil sinuspend na nila ang account namin dahil wala na daw pumapasok. Pati ang SSS at ibang benepisyo ay alam kong may nilabag sila. Noong 2008 ay tama naman ang paghuhulog nla ng SSS sa empleyado nila. Ngayong 2009 ay wala na silang hinulugan ngunit may mga dineduct sila sa ibang empleyado. Hindi rin sila naghuhulog ng kusa sa SSS ng mga empleyado nila. Ang nangyayari ay tinatanong kami kung gusto daw naming magpaawas o hindi. Madami akong nabasang thread sa internet na negative tungkol sa DOLE. Nais sana namin isangguni ito sa DOLE ngunit sa isang thread na nabasa ko ay inabot ng 1 taon ang kaso nila sa pagkuha lamang ng 13th mo pay. Gusto sana naming sumangguni para makuha namin ang para sa amin. Magpapasako pa naman. Kaso mas nakakawalang gana kung aabutin ng taon pero kailangan na namin ngayon pambayad man lang sa aming mga utang. Sana at matulungan ninyo kami.

Maraming salamat.

Sagot: Mainam na isangguni mo pa rin ito sa NCMB ng DOLE kahit na hindi natin alam kung gaano katagal ang pagbaba ng desisyon, kung mayroon man. Bukod sa DOLE, puwede mo ring lapitan ang anumang labor federation para malaman ang mga susunod na hakbang. Salamat.

By: kyle

kyle — Tue, 11 Aug 2009 06:43:29 +0000

gusto ko sana ireklamo agency namin..grabeeh delay n delay na po sahod namin. JODANI MANPOWER ang pangalan agency namin. 2 payroll na po kami di nasahod.

Sagot: Salamat sa komento. Sana’y mabigyan ng karampatang solusyon ang inyong problema. Kung wala kayong unyon, puwede pa rin kayong dumulog sa DOLE. Sa aking palagay ay handang tumulong ang maraming pederasyon sa paggawa (labor federation) para makuha ninyo ang mga naantalang suweldo.

By: minorka

minorka — Tue, 09 Dec 2008 19:40:14 +0000

concern citizen lang poh ako di ko alam kung pano ko report sa inyo,may call center d2 sa dasmarinas cavite,naaawa ako sa mga agent nla laging late sahod until now d pa nabbgay salary 4 d month of nov..tapus ultimo 2big binayayaran na nila,sabi sa kanila late daw mag padala ng budget ung big boss nila sa us pero dapat labas na cla dun basic salary cla under na cla ng labor may taga labor na gumagawa ng pay slip nla dba poh bawal ung ganun na late pasahod? tapus ung supervisor nila bumili ng bagong sasakyan...pano poh ba cla matutulungan? Sagot: Ang pagkaantala sa pagbibigay ng sahod ay hindi makatarungan para sa manggagawa. Puwede mong sabihan ang mga call center agent na kausapin nang masinsinan ang management kung bakit talaga nangyayari ito at kung paano mareresolbahan ang sa tingin ko'y "simpleng problema." Hindi sapat na dahilan ang pagkaantala ng pagpapadala sa Pilipinas ng payroll mula sa US. Ang mahusay na pamumuno ay natutugunan ang sitwasyong ito sa pamamagitan ng masinop ng administrasyon ng pera. Kung hindi pa rin makuha sa internal na paraan, puwede mo nang sabihan ang mga ahenteng kakilala mo na magreklamo sa Department of Labor and Employment (DOLE). Mainam ding makipag-ugnayan sa mga labor federation sa Cavite para matulungan sila kung paano ang proseso ng pagsasampa ng reklamo. Kahit wala silang unyon, puwede pa rin silang suportahan at puwede pa ngang tulungang bumuo ng isa. Maraming salamat sa komento mo at mabuhay ka!

By: annonymous

annonymous — Fri, 21 Nov 2008 11:44:57 +0000

hi im having a report for school and im asking you if you could make a report for me about the robots that was invented by filipinoes and about the thing that when to mars?

Reply: Sorry but it is highly unethical for me to accept your request. Part of your education is to do the report yourself. Good luck.

By: E.P.

E.P. — Wed, 12 Nov 2008 23:16:17 +0000

mr. a, gawa kaya kayo ng widget o button ng pinoy weekly. para mas mabangis. tsaka maganda sigurong gawing mas interactive o kaya involving yung site. suhestyon lang. sensya sa digression.

Sagot: Sige, gagawin kong proyekto ito sa mga susunod na araw kahit na medyo abala ako sa iba pang trabaho. Salamat sa suhestyon.

By: E.P.

E.P. — Tue, 11 Nov 2008 01:45:49 +0000

toeing the line tawag dyan. hehe. pero kakatwa talaga ang media. di pa talaga popular interest ang hangad ng bid media outfits. mas corporate interest. parang nung panahon ng erap resign movement, biglang naglalabas ng mga expose na dati namang di ginagawa (kahit kaya). tuwang-tuwa ako sa mga nagci-citizen patrol. halatang scripted at/o may binabasa. tas parang mga tuod. nangingisay siguro mga broadcomm titsers ko tuwing napapanood yun. pero tingin ko hindi pa rin empowering yang nosyon nila ng citizen journ. patikim lang ng konting power. o di kaya'y ilusyon na demokratiko nga ang pangkalahatang oryentasyon ng mainstream media. isang malaking, "hahaha." Sagot: Salamat sa makabuluhang komento mo. Puwede ngang sabihing "patikim" lang sa kapangyarihan ang ibinibigay kung ginagawang talking head lang ang isang tao sa pag-uulat sa brodkast (telebisyon man o radyo). Paano mo nga naman magagawang media literate ang indibidwal kung, halimbawa, sasabihan mo lang na basahin ang iskrip na ginawa ng isang "propesyonal"? May mga nag-iisip kasing walang kapasidad ang ordinaryong tao na pumasok sa larangan ng peryodismo, pero ang huli ay kayang kayang matututuhan kahit na hindi siya kumuha ng apat na taong kurso sa kolehiyo.